الـ Reels والـ Stories بقوا من أهم الأدوات اللي بنستخدمها في أغلب استراتيجيات المحتوى على الـ Social Media، ورغم إن الاتنين أداتين قريبين جدًا من بعض، وبيتشابهوا في إنهم عبارة عن Videos بتصورها وعاوز تعرضها للـ Audience، إلا إن في بينهم فرق كبير في الاستخدام والتأثير.
الفرق بينهم مش بس في المدة لكن يتعدى ذلك بكثير ..
خليني أقولك في 5 نقاط ايه هو الفرق بين الـ Reels والـ Stories، وأقولك ازاي تستخدمهم في خطة محتواك ..
المدة الزمنية ومدى البقاء
الـ Reels مدتها بقت بتتراوح من 30 ثانية إلى 3 دقائق تقريبًا، وبتفضل على صفحتك بشكل دائم، وبالتالي أي حد يقدر يرجع يشوفها في أي وقت ومش هتتحذف إلا إذا انت بنفسك حذفتها.
الـ Stories مدتها تصل إلى 60 ثانية لكل Story، ولو محتاج توصل رسالة أطول ممكن تضيف كذا Story ورا بعض، وبتختفي بعد 24 ساعة، إلا إذا حفظتها في الـ Highlights على الـ Profile بتاعك.
الهدف من الاستخدام
الـ Reels تقدر تستخدمها مع المحتوى المركز اللي محتاج انه يـ Viral، وإنك تجذب متابعين جدد، وهي أداة قوية في الوقت الحالي لأن الـ Attention span عند الـ Audience بقت قصيرة جدًا وبقوا بيفضلوا المحتوى السريع،
الـ Stories بتديك فرصة للتفاعل السريع مع جمهورك الحالي، ممكن تشارك فيها جزء من تفاصيل يومك أو أحداث خلف الكواليس أو طريقة التعامل بين أعضاء الـ Team.
طريقة الانتشار
الـ Reels بتظهر في الـ Explore وبالتالي تقدر توصل لناس مش من متابعينك، يعني فرصة انتشارها أكبر وممكن تكون سبب لجذب متابعين جدد.
الـ Stories بتظهر بس للمتابعين أو الأصدقاء، ومهمة في تقوية العلاقة اللي بينك وبين جمهورك الأساسي.
طريقة التفاعل
الـ Reels بتسمح بتفاعل من خلال الـ Likes والـ Comments والـ Share، زي الـ Posts العادية، وده بيزيد من انتشار الفيديو وانه يوصل لجمهور أوسع.
أما الـ Stories، التفاعل فيها بيكون سريع وفوري من خلال الـ Reactions أو الرسائل المباشرة، لكن بدون ظهور لعدد الـ LiKes زي الـ Reels. ده بيخلي التفاعل شخصي ولحظي أكتر.
الإبداع والتأثير
الـ Reels بتديك مساحة كبيرة للإبداع، تقدر تضيف مؤثرات بصرية زي الـ filters، والـ effects، كمان في أدوات transitions بتخليك تنتقل بين المشاهد بشكل سلس ومشوق، وده بيزود من حماس المشاهد انه يكمل الفيديو للنهاية.
الـ Stories بتضيف على كده أدوات قوية للتفاعل المباشر. تقدر تضيف روابط مباشرة علشان تشجع المتابعين يزوروا موقعك أو صفحة منتج معين. كمان Polls أو Questions بتخليك تفهم رأي المتابعين وتعمل محتوى موجه ليهم بشكل أدق.
الخلاصة
باختصار .. انت محتاج تدمج في استخدامك بين الاتنين وتاخد مميزات الـ Reels في إنك توصل لمتابعين جدد، ومميزات الـ Stories في إنك تبني علاقة قوية مع المتابعين الحاليين، ممكن كمان تشارك الـ Reels في الـ Story مع سؤال مثلا علشان تشجع جمهورك يتفاعل معاك،
وبكده تبقى وصلت لأقصى استفادة من الاتنين في نفس الوقت..
