فن كتابة العناوين | ازاي تكتب عنوان يلفت الانتباه في خطوات بسيطة؟

“العنوان القوي واللافت للانتباه هو الفيصل بين النجاح والفشل” دا اللي قاله الكاتب Ugur Akinci في بداية كتابه “How to Write Great Headlines، فازاي تكتب عنوان يلفت الانتباه ويحقق النجاح لمحتواك؟

العنوان هو البوابة الأولى اللي بيمر بيها القارئ للوصول لمحتوى مقالك أو الـ Post بتاعك، والمسؤول الرئيسي عن صنع الانطباع الأول عنك، ولو فشل في جذب انتباه جمهورك وإثارة فضولهم؛ فمحدش هيقرأ محتواك.

لكن هل العنوان الجذاب بيعتمد بس على الـ Creativity ولا في قواعد بتحكمه؟ دا اللي هنوضحه في المقال، وهنرشحلك Tools تسهل شغلك، وتساعدك في كتابة عنوان يلفت الانتباه، فتابع معانا.

العنوان الجذاب بوابتك إلى جمهورك!

“من بين كل 5 أفراد بيقرؤوا عنوانك؛ واحد بس بيقرر يكمل قراءة محتواك”!، فعشان تشجع جمهورك يقرؤوا المحتوى وياخدوا Action؛ لازم تلفت انتباههم بالعنوان الأول.

والعنوان مش بس بيزود نسبة قراءة المحتوى؛ لكنه بيوصل الانطباع الأول عنك لجمهورك، إلى جانب إنه بيوفر من ميزانية إعلاناتك بسبب زيادة الـ CTR لموقعك، أو الـ Engagement لمحتواك، ودا اللي عبر عنه Neil Patel بكلامه: “العنوان الجذاب يوفر عليك 90% من ميزانية إعلاناتك”!.

لكن ازاي تكتب عنوان جذاب؟ وإيه المعايير اللي ممكن تقيم من خلالها مدى جاذبية الـ Headline بتاعك؟

الـ 4U’s معيارك لكتابة عنوان يلفت الانتباه.

عشان تكتب عنوان جذاب لازم تراعي عدد من المعايير وأنت بتكتبه، كاتب الإعلانات “Michael Masterson” جمع أهم المعايير دي في قاعدة وسماها الـ 4U’s، واللي بترمز لأربع كلمات وهم:

فعشان تكتب عنوان يلفت الانتباه لازم يكون:

1- مميز Unique

فريد من نوعه وغير مكرر أو مستهلك، عشان يجذب اهتمام الجمهور من أول وهلة ويثير فضولهم، وبالتالي يكملوا قراءة باقي المحتوى.

على سبيل المثال:

فالإعلان هنا هيثير فضولك عشان تعرف ازاي موقع Talabat هيعالج زيادة الأسعار، هل هيعمل عروض، أو تخفيضات، أو غيرهم.

مثال تاني:

فالنوعية دي من العناوين بتلفت انتباه الجمهور عشان يكمل قراءة؛ وبالتالي لو عجبه باقي المحتوى ياخد Action.

لكن خد بالك!

مع معيار التميز؛ لازم تراعي معايير الصدق والأمانة، فما ينفعش تدي وعد كاذب في العنوان؛ وبعدين جمهورك يكتشف عكس دا، لأن في الحالة دي مكسبك هيكون مؤقت، لكن هيتبعه خسارة طويلة الأمد.

كمان التفرد هنا مش معناه إنك تبعد عن موضوع المحتوى عشان بس تقدم حاجة مميزة، ودا هو المعيار التاني.

2- محدد Ultra-Specific

عنوانك لازم يكون محدد وبيدي فكرة واضحة عن الـ POC بتاعتك، كمان مهم يبقوا مرتبطين ببعض، فما ينفعش معنى العنوان يبقى بعيد عن مضمون المحتوى.

على سبيل المثال: “10 خطوات لكتابة عنوان يلفت الانتباه”

فالـ Headline هنا واضح ومحدد، وبيديك تصور كامل عن مضمون المحتوى.

3- مفيد Useful

المعيار التالت مرتبط بـ “الفايدة” اللي هيحققها عنوانك للجمهور، لأنه لو ما كانش مفيد ليهم؛ مش هيكملوا قراءة.

فمهم الأول تفهم طبيعة جمهورك، واحتياجاتهم، ورغباتهم، عشان تقدر تكتبلهم عنوان يلفت الانتباه، ويكون مناسب ومفيد ليهم في نفس الوقت.

والعنوان المفيد ممكن يكون:

• إجابة لتساؤل عند الجمهور.
• حل لمشكلة بيعانوا منها.
• نصائح لتسهيل حياتهم.

على سبيل المثال: “5 نصائح لاجتياز الـ Interview بنجاح”

4- مُلِح urgent

أو بيستعجل الجمهور لقراءة المحتوى، واتخاذ إجراء معين، على سبيل المثال:

1. “لا تضيع الفرصة! اشترك الآن واستفد بالعرض”.
2. “عرض لفترة محدودة”.

والمعيار دا مش بيقتصر على المحتوى البيعي بس، لكن ممكن نستخدمه في الـ Informational Content كمان، ومثال دا:

1. “10 معلومات يجب أن تعرفها قبل مرحلة الجامعة”.
2. “5 كتب يجب أن تقرأها قبل الثلاثين”.

فالغرض منه تحفيز الجمهور على اتخاذ إجراء سريع سواءً بالقراءة، أو الشراء، أو غيرهم.

المعايير الأربعة السابقة لو اجتمعت في عنوان واحد؛ فدا معناه إنه عنوان ممتاز، رغم كدا فمش شرط تجتمع كلها في نفس العنوان عشان يكون مناسب للـ Audience ويلفت انتباههم، لكن الأهم تراعي وجود عدد منها فيه، بالإضافة إلى ضرورة مراعاة الأمانة والمصداقية في عنوانك.

لكن ازاي تكتب عنوان يلفت الانتباه بسهولة، ويراعي المعايير السابقة؟

دي 8 أنواع مختلفة للعناوين، هتساعدك تكتب عنوان جذاب بدون مجهود.

8 أنواع مختلفة للعناوين الجذابة

بعد معرفة الأنواع دي؛ هتقدر تطلع أفكار مميزة للـ Headlines بتاعتك، وبالتالي تكتب عنوان يلفت الانتباه بدون ما تبذل مجهود ذهني كبير، وهي:

1- الـ Direct Headline

الـ Headline دا في الغالب بيوصل الـ Massage بتاعتك بشكل مباشر، وفي نفس الوقت بيشتمل على أكتر الكلمات جذًبا للانتباه، زي الأرقام، النسب، والإحصائيات، أو كلمة مجانا.

مثال:

1. 1% معدل القراءة في الوطن العربي.
2. اشتر قطعة واحصل على الأخرى مجانًا.

2- الـ Indirect Headline

دي الـ Headlines اللي هتلاقيها دايما غامضة، أو فيها استعارة لبعض المصطلحات، أنت هنا ما بتخرجش عن الموضوع بـ Headline مطرقع، أنت بتبني الفكرة بناء على الـ Headline دا، والنوع دا بيشيع استخدامه على السوشيال ميديا، لكن صعب نستخدمه في المقالات.

على سبيل المثال:

3- الـ News Headline

بنستخدم النوع دا من العناوين في حالة عمل تحديث معين للـ Brand بتاعك، أو وجود خبر جديد كويس للـ Audience بتوعك.

فأنت هنا بتكتب عنوان يلفت الانتباه للتغييرات اللي عملتها، ِومثال على دا:

4- الـ How to Headline

ودا هتلاقيه كتير جدا في الـ Educational Content، أو لو بتعرف الجمهور ازاي يستخدم منتجك أو خدمتك صح.

مثال: “ازاي تحقق أقصى استفادة من الورشة”

5- الـ Question Headline

وخليني أقولك هنا مش أي سؤال هنسأله هيجذب الانتباه، خلي دايًما عندك بعد نظر في النقطة دي.

بمعنى حاول دايمًا تخلي صيغة السؤال فيها نوع من التعاطف مع الـ Audience بتوعك، أو اسأل سؤال الناس محتاجة إجابته، أو هتحبه فهتفكر في إجابة ليه معاك.

مثال: “الخبرة في مجالنا بتتقاس ازاي؟”

6- الـ Command Headline

والنوع دا من الـ Headlines بيكون معتمد على القوة في الطلب، وفيه صيغة الأمر البسيط، مع إظهار حرصك على مصلحة الجمهور.

مثال: “الحق العرض قبل نفاذ الكمية!”.

7- الـ Reasons why Headline

الـ Headlines دي هتلاقيها منتشرة شوية في حالة كان الهدف بتاعك إقناع الجمهور بشيء معين، وفي النوع دا التعديد هيفيدك جدًا.

مثال: “7 أسباب تخليك تشترك معانا”

وممكن نستخدم النوع دا بشكل عكسي؛ وفي الحالة دي هيثير فضول الجمهور أكتر  عشان يقرأ المحتوى ويعرف إيه اللي بتتكلم عنه، على سبيل المثال:

“أسباب تمنعك تسجل في الكورس معانا”

8- الـ Testimonial Headline

بشوف إن النوع دا من الـ Headlines بيزود جدًا من loyalty العميل بتاعك، وعادةً بيكون على شكل Review من عميل عندك، مثال: “دا أكتر كورس استفدت منه”.

وهنا الجمهور اللي بيقرأ هيحب يكون مكان الشخص دا، إلى جانب إنه بيزود ثقة الناس فيك في العموم.

الأنواع دي من العناوين كلها مناسبة للسوشيال ميديا، وبعضها هيكون مناسب للمقالات، لكن إيه الفرق بين الاتنين؟

5 اختلافات بين عناوين الـ Social Media والمقالات

العنوان هو العنصر الأهم في محتواك؛ سواءً كان Social Media أو Blog Post، لكن طريقة كتابته بتختلف حسب نوع المحتوى، وأهم الاختلافات دي:

1- الطول

عناوين الـ Social Media غالبًا بتكون قصيرة وموجزة؛ في المقابل فعناوين المقالات بتكون أطول وبتحتوي على تفاصيل أكتر.

2- الأسلوب واللغة

العناوين في السوشيال ميديا بتعتمد على لفت الانتباه، وإثارة الفضول لاتخاذ الإجراء المطلوب، لكن عناوين المقالات بتكون أوضح، ومباشرة أكتر، عشان تدي فكرة عن محتوى المقالة.

3- التركيز على المشاعر

جمهور السوشيال ميديا عادةً بيكون أقرب منك، وفي ارتباط عاطفي بينه وبين البراند بتاعك، بعكس جمهور المقالات واللي ممكن يكون كل معرفته بيك هو المقال اللي بيقرءه بس.

عشان كدا في عناوين السوشيال ميديا بنراعي الجوانب النفسية، واستخدام المشاعر والعواطف لجذب انتباه الجمهور، لكن في عناوين المقالات بنركز أكتر على الفايدة والقيمة العلمية اللي هياخدها القارئ.

4- مدة التأثير

مدة تأثير الـ Social Media Content عادةً بتكون آنية، أو لفترة قصيرة وخلاص، لكن المقالات بتستهدف استمرارية الوصول للجمهور على المدى الطويل، وبالتالي فالعنوان لازم يراعي دا.

بمعنى إن التريندات المؤقتة ممكن نوظفها في عناوين السوشيال ميديا، لكن يفضل ما نعملش دا في عناوين المقالات.

5- الـ SEO Metrics

الـ SEO Metrics مش ضرورية أبدًا في عناوين السوشيال ميديا، وعدم استخدامها في عنوانك مش هيأثر على الـ Reach، لكن في المقالات فهي عنصر لا غنى عنه، ودا زي كتابة الـ Keyword في العنوان.

لو قرأت المقال ووصلت لحد هنا؛ فأنت غالبًا دلوقتي عرفت ازاي تكتب عنوان يلفت الانتباه بسهولة.

لكن لو لسه حاسس بصعوبة في كتابته؛ إيه الحل؟

الحل في الأدوات!

دلوقتي الـ AI والـ Digital Marketing Tools سهلوا شغلنا بدرجة كبيرة، ومن الحاجات اللي سهلوها؛ كتابة الـ Headlines،  لكن إيه أفضل الأدوات دي؟

أفضل 6 أدوات “Title Generators” بالعربي والـ English

في Tools كتير ممكن تلهمنا لكتابة عنوان يلفت الانتباه، سواءً باقتراح عناوين علينا بشكل مباشر، أو من خلال عرض أحدث الـ Trends، وأشهر الـ Topics اللي الجمهور بيبحث عنها في مجالنا، وبالتالي تدينا فكرة نكتب العنوان ازاي، وعن إيه.

ومن بين الأدوات دي:

The HTH Title generator -1

الأداة دي من أحسن الأدوات اللي ممكن تساعدك في الحصول على أفكار لعناوينك باستمرار، وهي مجانية بشكل كامل.

كل اللي بتعمله إنك بتدخل على الموقع وتكتب بعض التفاصيل المطلوبة عن طبيعة مجالك، وجمهورك، زي ما موضح في الصورة

بعد كدا بتضغط على generate، والموقع بيقترح عليك عدد من الأفكار لعناوينك، زي ما واضح في الصورة:

ولو ما لقيتش حاجة مناسبة منهم؛ ممكن تضغط على Generate More Ideas وهيقترح عليك أفكار جديدة، وهكذا لحد ما توصل للفكرة المناسبة، وتكتب عنوان يلفت الانتباه ويثير اهتمام جمهورك.

المشكلة الوحيدة في الموقع إنه مش بيدعم اللغة العربية، لكن بالاستعانة بأي Extension للترجمة هتحل المشكلة دي بسهولة.

Tweak Your Biz -2

بتتميز الأداة دي بطريقتها المنظمة في اقتراح الـ Headline Ideas عليك، وطريقة عملها بسيطة جدًا، كل اللي بتعمله إنك بتكتب الـ Topic بتاعتك، وبتختار أنت عاوز الهيدلاين يبدأ بـ Verp ولا Noun

وبعدين بتضغط Submit.

بعدها الموقع بيقترح عليك مئات العناوين، لكنها بتبقى في شكل قوائم، كل قائمة بتستخدم نوع مختلف من العناوين، فمثلا هتلاقي قائمة مستخدمة أرقام في كل عناوينها، وقائمة تانية العناوين فيها بادئة بـ How To، وهكذا..

ممكن تلاحظ إن بعض الاقتراحات بعيدة شوية عن طبيعة الـ Topic بتاعتك؛ لكن الأكيد إن معظم الاقتراحات هتكون قريبة، دا غير إنها هتكون بمثابة مصدر بسيط تعمل من خلاله تغذية لعقلك، وبالتالي تطلع أفكار مختلفة تساعدك على كتابة عنوان يلفت الانتباه.

لكن عيب الموقع دا نفس عيب الموقع السابق؛ مش بيدعم اللغة العربية.

Buzzsumo -3

موقع Buzzsumo بيقترح عليك أفكار للعناوين بتاعتك بطريقتين:

أول طريقة إنك تكتب الـ Topic بتاعتك سواءً بالعربي أو الـ English، والموقع هيعرضلك الـ Top Trends في الـ Topic دي على السوشيال ميديا، وكمان على يوتيوب، وجوجل، وبالتالي تعرف إيه اللي بيهم جمهورك ويشغل تفكيرهم، ودا هيساعدك تكتب عنوان يلفت انتباههم.

دا غير إنه هيقترح عليك عدد من الـ Keywords المناسبة لو حابب تكتب مقال عنها.

الطريقة التانية والأهم من وجهة نظري هي الـ Trends

الموقع بيعرضلك أهم التريندات الموجودة على السوشيال ميديا وفقًا لبلدك، أو لنوع مجالك.

يعني بتحدد البلد، أو بتختار المجال سواءً طبي، أو فني، أو تقني، أو غيرهم، والموقع بيعرضلك التريندات الموجودة في البلد أو المجال دا، زي ما واضح في الصورة:

وطبعًا متابعة التريندات هتساعدك تكتب عنوان يلفت الانتباه، خاصةً على السوشيال ميديا.

FATJOE -4

موقع Fatjoe بسيط جدًا في استخدامه، كل اللي بتعمله إنك تكتب الـ Topic وتضغط Generate Title Ideas زي ما واضح في الصورة

بعدها الموقع بيقترح عليك 10 Headlines زي المثال دا:

ولو حابب تشوف أفكار تانية ممكن تختار New Topic وتعيد الخطوة من جديد، لحد ما توصل للفكرة المناسبة اللي تساعدك تكتب عنوان يلفت الانتباه.

الموقع ممكن يكون أقل نوعًا ما من المواقع السابقة من حيث تنوع الأفكار، ومناسبتها، لكنه مقبول وهيساعدك توصل لأفكار كويسة.

ChatGPT & Bard -5

ودول بمثابة الـ Top خاصة ChatGPT، واللي بيعد أفضل Title Generator بالعربي، استخدام الموقع سهل وبسيط، وشرحنا طريقة عمل حساب عليه قبل كدا في الفيديو دا.

وهو عبارة عن شات بوت هتدردش معاه وتديله بريف عن طبيعة شغلك، وعملائك، والـ Topic اللي هتكتب فيها، وممكن كمان تعرفه البلاتفورم اللي بتستخدمها، وفي النهاية هتطلب منه يقترح عليك Headlines مناسبة، ولو اقتراحه ما عجبكش ممكن تطلب منه يقترح حاجة مختلفة، وهكذا لحد ما توصل للفكرة المناسبة ليك، وبالتالي تكتب عنوان يلفت الانتباه.

شات Bard بيشتغل بنفس الطريقة برضو، دا غير إنه متاح مجانًا لكل الدول، بعكس ChatGPT، لكنه لا زال أضعف منه نوعًا ما، رغم كدا فهو هيساعدك جدًا لو استخدمته.

الخلاصة

الـ Headline هو أهم جزء في المحتوى بتاعك، وبتوصل أهميته لدرجة إن بعض المؤسسات الكبيرة بتعين متخصصين لكتابته بس!

وأهميته الكبيرة مش معناها إنه صعب تكتبه، لكنه بيقع في مقام السهل الممتنع، ودا لأنه بيحتاج منك تجمع بين جاذبية الفكرة وبساطتها في نفس الوقت، دا بجانب مراعاة فايدتها للجمهور المستهدف.

لكن بعد قراءة المقال هتكون كتابة العناوين بالنسبالك مهمة سهلة وممتعة، وهتقدر تكتب عنوان يلفت الانتباه بسهولة، بدون توتر ولا Stress.