تخيل إن جملة واحدة بس ممكن تضاعف نتائج محتواك، أو تضيعها تمامًا!! الجملة دي هي الـ CTA، فما هو الـ CTA؟ وإيه أهميته؟
وفقًا لموقع Creative MMS، فاستخدام CTA جذاب في الـ Landing Page زود الـ Conversion Rate عندهم بنسبة 80%، دا غير إن الصياغة الدقيقة للـ CTA ممكن تزود نسبة الـ Action لـ 90% بناءً على إحصائية نشرها موقع ContentVerve.
فـما هو الـ CTA؟ وازاي توظفه صح؟ دا اللي هنشرحه في المقال، وهنشارك معاك أهم القواعد والـ Tricks الضرورية لكتابة Call To Action بالعربي أو الـ English، فتابع معانا.
ما هو الـ CTA؟ وما أهميته؟
أي POC ناجحة لازم يبقالها هدف محدد، في الـ CTA أنت بتحفز الجمهور ينفذوا الهدف دا.
الـ CTA اختصار لجملة Call To Action، وهو آخر حاجة بتقفل بيها الـ POC بتاعتك، ومن خلاله بتطلب من الـ Audience ياخدوا Action سريع، سواءً كان تفاعل مع الـ Content، أو شراء لمنتج، أو خدمة، أو غيرهم.
وغالبًا طوله مش بيتجاوز جملة واحدة، وأحيانًا ممكن يكون عبارة عن كلمتين بس، ورغم كدا فأهميته بتعادل الـ POC كلها، ودا لأنه بيأثر بشكل مباشر على نسبة استجابة الجمهور ليك.
دا غير إنك من خلاله بتساعد جمهورك ياخد قرار متناسب مع أهدافك، ومن غيره الـ POC بتاعتك هتضيع وسط مئات الأشكال من المحتوى اللي بتمر على الـ User يوميًا وبينساها ببساطة من غير ما تسيب الأثر المطلوب فيه،
ودلوقتي بعد ما عرفت ما هو الـ CTA؛ إيه أنواعه؟ وازاي توظفه صح في محتواك؟
أنواع الـ Call To Action
الـ CTA له أشكال وأنواع كتير جدًا، منها:
1- الـ Direct CTA
وفي النوع دا أنت بتطلب حاجة مباشرة من الـ Audience زي شراء منتج، أو كتابة Comment، أو عمل Share للمحتوى، أو غيرهم من الطلبات المباشرة.
لكن لازم تراعي فيه مكان الـ Audience في الـ Sales Funnel، فتطلب منهم حاجة مناسبة لمكانهم، ومدى ثقتهم فيك.
مثال لـ Direct Call To Action بالعربي:
2- الـ Low-Risk CTA
وهنا أنت بتطمن جمهورك وبتقدملهم فايدة بدون مقابل، أو بمقابل بسيط جدًا، فمثلًا لو بتقدم خدمة مدفوعة ممكن توفر Free Trial ويكون الـ CTA بتاعك “Try For Free”.
أو لو بتقدم استشارات فالـ Low-Risk CTA هيكون متعلق بتوفير استشارة مجانية مقابل حصولك على بيانات العميل، وهكذا.
النوع دا بيستخدم أكتر مع العملاء المتخوفين، أو في حالة كانت تكلفة الخدمة مرتفعة نوعًا ما، أو لو الـ Brand جديد، أو الخدمة جديدة.
مثال لـ Low-Risk Call To Action في Canva:
في أشكال تانية كتيرة جدًا للـ CTA مش ضروري تستخدمها كلها في المحتوى بتاعك، لكن الأهم إنك تستخدم أنسبها لنوع المحتوى، وطبيعة الـ Brand والـ Audience.
والأنواع دي على اختلافها بستخدم في معظم أشكال المحتوى، زي:
- الـ Emails
- الـ Web Content
- الـ Landing Pages
- الـ Videos & Reels
- الـ Social Media Content
وغيرهم، ودلوقتي بعد ما عرفت ما هو الـ CTA ومدى أهميته، ازاي تكتب CTA ناجح ومؤثر؟
القواعد الـ 10 لكتابة CTA ناجح
الـ CTA الناجح مش مجرد جملة بتتكتب على استعجال وخلاص، لكن مهم جدًا تاخد وقتك وأنت بتكتبه عشان تسيب الأثر المطلوب، مع ضرورة مراعاة بعض القواعد فيه، زي:
1- الوضوح
خلي الـ CTA واضح ومحدد، عشان ما تشتتش الجمهور، وبالتالي يقدروا يفهموا الإجراء المطلوب وينفذوه ببساطة.
على سبيل المثال:
- اشتر الآن.
- املأ الفورم.
- تواصل معنا.
2- التحفيز العاطفي
التحفيز العاطفي في الـ CTA بيضاعف من تأثيره على الـ Audience، فبدل ما يكون مجرد فعل لصالحك؛ هيدي إحساس للعميل إن الـ Action فيه مصلحة ليه هو.
مثال:
“اتواصلي معانا وساعدي طفلك في تحقيق حلمه”.
3- تضمينه طلب واحد
حاول قدر الإمكان تخلي الـ CTA بتاعك متضمن لطلب واحد بس، عشان تسهل على جمهورك الاستجابة ليك، لأن طلبك أكتر من حاجة منهم في نفس الوقت هيشتتهم، وبدل ما يستجيبوا؛ هيعرضوا تمامًا، وبالتالي هتوصل لنتيجة عكسية.
مثال:
“اعمل like، وComment، وFollow لصفحتنا”
أو مثلًا تكتب أكتر من CTA كل واحد بيوجه العميل لشراء منتج، أو الاشتراك في خدمة مختلفة.
فهنا أنت بتحير العملاء معاك، وبتستنزف وقتهم وجهدهم.
بيرجح القاعدة دي مقال منشور في موقع wordstream نقلًا عن مديرة التسويق Ellie Mirman، بتقول إن استخدامها Single Call-to-Action في الـ Email زود الـ Clicks بنسبة 371%، ودا -على حد كلامها- لأن “الناس كسالى، لو طلبت منهم ياخدوا أكتر من Action هتفقدهم، ومش هتوصل للنتيجة اللي عاوزها”.
وفي مقال تاني لموقع GMP بيقول إن استخدام Multiple CTAs and Offers في الـ Landing Page قلل الـ Conversion بنسبة 266%.
فبلاش تطلب من الجمهور أكتر من Action في الصفحة الواحدة، إلا إذا كنت هتستخدم CTA ثانوي، فـما هو الـ CTA الثانوي؟
هو عبارة عن CTA إضافي، بتقدم من خلاله معلومات أكتر، أو تجربة مجانية لإقناع الـ Audience بالخدمة أو المنتج قبل ما يشتروا.
وبيستخدم أكتر لكسب العملاء الجدد، أو في حالة كان العميل غير جاهز للـ Action اللي بتطلبه منه. زي المثال دا:
4- ربطه بالمحتوى
خلي المحتوى والـ CTA ماشيين على نفس السياق، وبيخدموا نفس الهدف، بحيث يكون الـ CTA هو النتيجة الطبيعية للـ POC، فلازم يكون مضمونهم واحد، وهدفهم واحد.
5- توضيح الفائدة
وضح لعملائك الفايدة اللي هتعود عليهم لما ياخدوا الـ Action دا، فوفقًا لموقع FriendBuy؛ كتابة محتوى يطمن العملاء ويقلل مخاوفهم، ويبرز فوائد الخدمة ليهم قبل الـ CTA زود من معدل الاشتراك عندهم بنسبة 34%.
أو على الأقل طمنهم عن طريق استخدام الـ Low-Risk CTAs.
فمثلًا:لو بتوفر خدمة ما وضح في الـ CTA وجود تجربة مجانية، أو إمكانية استرجاع الاشتراك خلال فترة محددة.
ولو بتبيع منتج فوضح إمكانية الاسترجاع والاستبدال قبل ما تطلب منهم يشتروا، وهكذا، عشان العميل يطمن إنه لو ما استفادش؛ فأكيد مش هيتضرر.
6- قابلية التنفيذ
ما تبالغش في الـ Call To Action، واطلب من الـ Audience حاجة يقدروا ينفذوها بالفعل، عشان تلاقي نتيجة في النهاية.
7- الطول
حاول قدر الإمكان تخلي الـ CTA قصير، ويفضل طوله ما يزيدش عن 10 كلمات، عشان العميل يفهم المطلوب منه بسرعة.
بناءً على A\B Test عمله موقع Marketing Experiments بين Two CTAs واحد أقل من 10 كلمات، والتاني أطول؛ زادت نسبة الـ Clicks لـ 16% في الصفحة اللي استخدمت CTA أقصر.
8- الاستعجال
لو العميل أجل الاستجابة للـ CTA فغالبًا هينساه ومش هيرجعله تاني، عشان كدا مهم تستعجل عميلك ياخد Action بسرعة، وممكن تستخدم ظاهرة الـ FOMO في دا، على سبيل المثال: “الحق قبل فوات الأوان”، “ما تفوتش العرض”.
9- مشاركة الأرقام
الـ Audience بينبهروا بالأرقام، فلو حققت نتايج بأرقام كبيرة ممكن توظفها في الـ CTA بتاعك، خاصة لو الأرقام دي مرتبطة بالبشر أو عدد المستخدمين اللي استفادوا من منتجك أو خدمتك، ودا لأن الإنسان بيطمن أكتر لما يعرف إنه مش لوحده، وإنه جزء من Community كبير.
مثال: انضم إلى أكثر من 5 مليون مشترك!
ممكن الأرقام بردو تكون توضيح لسعر المنتج اللي بتقدمه، خاصة لو سعر تنافسي، أو لو بتقدم Offer كويس، مثال:
“ما تفوتش الفرصة واشتري بخصم 50%”
أو “احجز مكانك دلوقتي بـ 250 جنيه بس!”
10- الإبداع Creativity
هل ممكن تغير الـ CTA بتاعتك لـ “ما تشتريش المنتج”، بدل من “اطلب الآن” وتتوقع زيادة في مبيعاتك؟
موقع TimothySykes.com عمل تجربة لطيفة قريبة من دي وخلى الـ CTA بتاعته “Don’t Click Here If You’re Lazy”، والتغيير دا زود الـ Clicks بنسبة 39%.
واستخدم نفس الفكرة Ramit Sethi في موقع I Will Teach You to Be Rich زي ما واضح في المثال:
والمقصود هنا مش أنك تقلد وتستخدم نفس الطريقة، لكن الفكرة في الابتكار والـ Creativity عمومًا، واللي ممكن نتايجها تكون أضعاف الطرق والمصطلحات التقليدية.
التزامك بالقواعد دي هيساعدك تكتب CTA مؤثر، يحسم قرارات عملائك ويوصلك لأهدافك أسرع، وبجانب القواعد ما ينفعش تهمل الفنيات والـ Tricks اللي ممكن تبان بسيطة؛ لكن تأثيرها على الـ Audience كبير، خاصةً لو بتكتب Web Content.
فنيات لازم تراعيها وأنت بتكتب الـ CTA
كتابة الـ CTA زي ما ليها قواعد؛ ليها فنيات كمان، خاصة لو بتكتب Web Content، أو Email، أو Landing Page Content.
وأهم الفنيات اللي لازم تراعيها:
ضيفه أعلى الـ Web Page
لو بتكتب محتوى لصفحات الويب، أو للـ Landing Page هل الأفضل تكتب الـ CTA في أول الصفحة ولا تكتفي بكتابته في آخرها؟
وفقًا لموقع VWO وضع الـ CTA في أعلى الصفحة وتغيير لونه زود الـ Clicks على الموقع بنسبة 101%، وبناءً على التجربة دي بينصح الموقع بوضع الـ CTA في أكتر جزء ظاهر من الصفحة، وبالتحديد في الـ Section الأول.
خليه بعد الـ Offer
يفضل إنك تخلي الـ CTA في الجزء الأعلى من الـ Web Page لكن دا مش معناه إنك تبدأ بيه الصفحة.
والأفضل إنك تخليه بعد الـ Offer، فوفقًا لـ Neil Patel وضع الـ CTA قبل الـ Offer قلل الـ conversion عنده بنسبة 17%، ودا لأن العملاء بيميلوا لأنهم يعرفوا الفايدة اللي هتعود عليهم الأول قبل ما ياخدوا Action،
اختار كلماته بدقة
هل تغيير الضمائر ممكن يفرق في نسبة الاستجابة للـ CTA؟
في مقال نشره موقع unbounce بيقول إن نسبة الـ Click-Through Rate زادت بنسبة 90% لما استخدموا جملة “Start My Free 30 Day Trial” بدل من “Start Your Free 30 Day Trial”.
والمعنى هنا مش مقتصر على الضمائر بس، لكن طريقة الصياغة بشكل عام ممكن تأثر بشكل كبير على معدل الاستجابة ليك.
قلل التشتيت حواليه
يفضل تقلل العناصر المرئية والمكتوبة حوالين الـ CTA والأفضل تكتفي بـ White Space في المحيط بتاعه، فوفقًا لموقع VWO تقليل العناصر المشتتة في محيط الـ CTA زود الـ Conversion Rate بنسبة 232%.
ركز في اختيار الـ Design والألوان
شكل الـ CTA وألوانه لهم تأثير كبير جدًا في معدل استجابة الجمهور، فمثلًا تصميم الـ CTA لصفحة الويب أو الـ Landing Page أو حتى الـ Email على شكل Button زود الـ clicks بنسبة 28% مقارنة بالـ Link-Based CTAs وفقًا لموقع Campaign Monitor’s.
وفي مقال تاني على HubsPot فتغيير لون الـ CTA Button من أخضر لأحمر على Performable’s Website زود الـ Clicks بنسبة 21%.
ودا مش معناه إن اللون الأحمر هو الأفضل لأي ويب سايت، لكن اعرف طبيعة جمهورك وتفضيلاتهم، أو اعمل A\B Test لحد ما توصل للنتيجة الأفضل لموقعك.
خلي حجمه مناسب
الـ CTA الأفضل هو اللي يقدر يلفت انتباه الجمهور بدون ما يزعجهم، وصغر حجم الـ Button الخاص بالـ CTA على الـ Web Page ممكن يخليه غير ملفت للعملاء أو يصعب رؤيته بالنسبالهم.
وفي المقابل كبر حجمه بشكل مبالغ فيه هيسبب إزعاج بصري ليهم، عشان كدا يفضل يكون حجمه متوسط يلفت الانتباه بدون ما يسبب إزعاج أو أذى لعين الـ Users.
دي كانت إجابتنا على سؤال ما هو الـ CTA، وأهم الـ Tricks الخاصة بشكله وأسلوب كتابته على الـ Website أو في الـ Emails، أو الـ Landing Pages.
مراعاتك للقواعد، والـ Tricks السابقة هتساعدك تكتب Call To Action مميز ومؤثر.
الخلاصة
الـ POC عبارة عن كيان مترابط، كل عنصر فيها بيخدم على اللي بعده، عشان تحقق -في النهاية- الهدف الأساسي ليها وهو إقناع الـ Audience ياخدوا Action.
وأكتر جزء بيأثر بشكل مباشر على معدل الاستجابة دي هو الـ CTA، عشان كدا لازم تهتم بيه وتاخد وقتك وأنت بتكتبه.
