“العنوان الجذاب هيخلي الناس تنتبه للـ POC بتاعتك، لكن الـ Intro هي اللي هتخليهم يقرروا يكملوا قراءة ولا لأ”.
ودا لأن الـ User في العصر الحديث بيتسم بسرعة الملل، وتشتت الانتباه، فازاي تحافظ على معدل انتباه الـ Audience، وتحفزهم على قراءة محتواك؟
دا اللي هنوضحه في المقال، وهنشارك معاك أهم الـ Tips والـ Tricks لكتابة مقدمة تجذب الانتباه لمحتوى الـ Social Media والمقالات، فتابع معانا.
أول خطوة في طريقك لعقل عميلك!
لو الـ Headline هو البوابة الأولى لجذب انتباه عميلك؛ فالـ Intro هي أول خطوة في طريقك لكسب انتباهه بالكامل، والفرصة الأهم لتحفيزه على قراءة المحتوى، وبالتالي ياخد Action.
ودا لأنها بتوصل انطباع للعميل عن طبيعة الـ POC بتاعتك، وهل هتفيده ولا لأ، بالإضافة إلى أن المقدمة القوية بتضاعف من تأثير الـ POC في ذهن القارئ، وبتزود فرص التفاعل مع محتواك.
عشان كدا مهم تستخدم Hook في مقدمة محتواك تخطف بيه انتباه عميلك؛ والأهم إنك تدي لعميلك سبب يكمل عشانه.
لكن هل كتابة الـ Intro ليها قواعد محددة، ولا بتعتمد على الـ Creativity بس؟ وازاي تكتب مقدمة تجذب الانتباه وتحفز الـ Audience على التفاعل معاك؟
9 قواعد أساسية لكتابة مقدمة جذابة
الموهبة والـ Creativity بيميزوا كاتب محتوى عن التاني، لكن اتباع القواعد دايمًا يكسب، فعشان تكتب مقدمة مغناطيسية تجذب اهتمام جمهورك، وتكسب انتباههم بيها؛ لازم تراعي فيها شوية قواعد، وأهمها:
1- خليها قصيرة
أحد أهداف المقدمة زيادة شغف الجمهور لمواصلة القراءة، لكن لو طول المقدمة زاد عن الحد؛ هتجيب نتيجة عكسية، وتتسبب في ملل القراء، وبالتالي تجاهلهم لمحتواك.
فعشان المقدمة تجذب الانتباه؛ ما تخليش طولها يزيد عن 10% من طول المحتوى، سواءً كان المحتوى دا للسوشيال ميديا، أو للويب.
2- ما تكررش العنوان!
معاك ثواني بسيطة عشان تجذب اهتمام جمهورك من خلال الـ Intro، فما ينفعش تخليها تكرار لنفس محتوى العنوان، لكن لازم تغير عشان القارئ ما ياخدش انطباع إن الـ POC بتاعتك مجرد حشو.
3- استخدم ضمائر المخاطبة
عميلك هيهتم أكتر لما يحس أنه محور كلامك، وإن المحتوى معمول عشانه وموجه ليه، ودا اللي بتبرزه ضمائر المخاطب، فحاول توظفها في الـ Intro قدر الإمكان، وفي المقابل قلل من استخدام ضمائر المتكلم، والغائب.
4- اديله نبذة عن المحتوى
عشان تثير فضول القارئ أكتر؛ اديله نبذه عن مضمون المحتوى داخل المقدمة، خاصة لو المحتوى دا كان مقال، عرفه هيستفيد إيه من محتواك، واديله سبب يكمل عشانه.
5- ما تقدمش كل التفاصيل
مهم تدي لجمهورك نبذة عن محتواك في المقدمة، لكن خد بالك؛ ما ينفعش تقدملهم كل التفاصيل جواها، لأن وقتها محتواك هيكون مجرد تكرار للمقدمة.
كمان تقديم تفاصيل كتير عن مضمون المحتوى داخل الـ Intro هيخليها طويلة حد الملل، وبدل ما الـمقدمة تجذب الانتباه؛ هتجيب نتيجة عكسية.
6- وضح أهمية محتواك
أهمية المحتوى أو الموضوع اللي بتكتب فيه ممكن تكون واضحة جدًا ليك؛ لكن مش شرط تكون واضحة لجمهورك.
عشان كدا يُفضل توضح أهمية الموضوع داخل المقدمة، خاصة لو كنت بتكتب Blog Post، أو محتوى طويل عمومًا.
توضيح الأهمية ممكن يكون عن طريق مشاركة أرقام، أو إحصائيات متعلقة بالموضوع اللي بتتكلم عنه، على سبيل المثال:
احتلت مكيفات الهواء المرتبة 71 بين المنتجات الأكثر تداولًا في العالم عام 2020، إذ بلغ حجمها 0.29% من إجمالي التجارة العالمية، يرجع ذلك إلى أهميتها وزيادة الطلب عليها في جميع دول العالم، مما يجعلها مجالًا مناسبًا ومريحًا للتجارة فيه.
7- ما تبالغش!
عشان الـمقدمة تجذب الانتباه مهم جدًا توضح فيها أهمية محتواك، لكن الأهم إنك ما تبالغش في دا.
على سبيل المثال: “بعد قراءة المقال دا هتبقى خبير في كتابة المحتوى، وهتقدر تكتب جميع أنواع الـ Content بسهولة”
دي كدا مبالغة، لأن الخبرة مش هتتكون بمجرد قراءة مقال! فما ينفعش تدي وعود في مقدمتك غير لو متأكد إن محتواك هيفي بيها.
8- استخدم Hook قوي
الملل هو سمة العصر الحديث، فعشان تتغلب عليه وتحفز جمهورك يكمل قراءة؛ استخدم Hook قوي في المقدمة، مثلا ممكن تستخدم:
- سؤال مهم
- إحصائية
- قصة
وافتكر إن الجمهور ما دام قرأ العنوان وبدأ في قراءة الـ Intro؛ فهو عنده الرغبة بالفعل في قراءة الـ POC بتاعتك، ومهمتك هنا إنك تخليها ممتعة وسلسة قدر الإمكان عشان تجذب اهتمامه أكتر.
لكن خد بالك من توظيف القصة!
رغم إن استخدام القصة في المقدمة بيزود من جاذبيتها؛ إلا إنها بمثابة سيف ذو حدين، زي ما ممكن تجذب انتباه القارئ؛ فزيادة طولها وكثرة تفاصيلها هيحبطه، ويصيبه بالملل.
9- راعي قواعد اللغة
قواعد اللغة هي النكهة اللي بتحلي محتواك، ومراعاتك ليها بيضيف عليه طابع الـ Professionalism، والعكس؛ وجود أخطاء إملائية في مقدمة المحتوى هتدي انطباع للجمهور إنك هاوي أو مبتدئ.
عشان كدا مهم جدًا تراعي قواعد اللغة وأنت بتكتب المقدمة، ولو بتواجه صعوبة في معرفة القواعد وإتقانها، فالكتاب دا هيفيدك: مختصر الأخطاء اللغوية الشائعة.
دي 9 قواعد مهمة جدًا، وتوظيفها صح هيساعدك تكتب مقدمة تجذب الانتباه، فخليهم دايمًا في بالك وأنت بتكتب.
وعشان تكتب Intro جذابة بسهولة، وتراعي فيها القواعد السابقة، محتاج تعرف الأنواع المختلفة للـ Intro، فـإيه هي؟
9 أنواع من المقدمات الجذابة
في أنواع كتير للمقدمات المناسبة لمحتوى المقالات والسوشيال ميديا؛ معرفة الأنواع دي هتساعدك توظفها في محتواك صح، ودي أشهر 9 منها:
1- المقدمة القصصية
النوع دا بيكون عبارة عن قصة قصيرة، تثير فضول الجمهور، وتجذب انتباههم عشان يكملوا قراءة، لكن لازم يكون في رابط بينها وبين مضمون المحتوى.
2- المقدمة الاستفهامية
هنا أنت بتطرح سؤال على جمهورك يثير فضولهم، ويشغل تفكيرهم، وبالتالي يكملوا قراءة عشان يعرفوا إجابته، ممكن السؤال تكون إجابته بديهية، لكنه بيُستخدم كعامل تشويقي عشان يشد انتباه الجمهور، وممكن يكون سؤال بيثير الفضول وإجابته بتختلف حسب وجهة النظر، أو غيره.
لكن خد بالك؛ عشان السؤال يجذب اهتمام الجمهور؛ لازم يكون في دايرة اهتمامهم، أو بيمس مشكلة أو احتياج عندهم.
مثال:
وممكن السؤال تكون إجابته بديهية، لكنه بيُستخدم كعامل تشويقي، عشان يشد انتباه الجمهور بس.
3- المقدمة الاقتباسية
المقدمة هنا بتكون عبارة عن اقتباس لشخصية مشهورة، أو حد خبير في المجال، أو لعميل عندك.
على سبيل المثال:
فايدة الاقتباس هنا مش بتقتصر على إن المقدمة تجذب الانتباه بس؛ لكنه كمان بيزود الثقة في محتواك.
4- المقدمة الإحصائية
في النوع دا من الـ Intro أنت بتبدأ كلامك بإحصائية، أو حقائق متعلقة بالموضوع اللي بتتكلم عنه، لكن مهم تكون الأرقام اللي بتشاركها حقيقية عشان ما تخسرش ثقة جمهورك، والأفضل لو تشارك معاهم مصدر الإحصائية.
مثال:
5- المقدمة التلخيصية
وهنا أنت بتبدأ في مضمون موضوعك بشكل مباشر، وبتلخص أهم نقاط المحتوى في المقدمة، والنوع دا من المقدمات بيُستخدم أكتر في المقالات، لكن ممكن نستخدمه في محتوى السوشيال ميديا كمان.
مثال:
6- المقدمة التاريخية
في النوع دا من المقدمات أنت بتشير لأحداث مهمة حصلت في الماضي لكنها متعلقة بالموضوع بتاعك.
مثال:
مثال تاني:
7- المقدمة التخيلية
الإبداع هو العامل الرئيسي في نجاح النوع دا من المقدمات.
هنا أنت بتستخدم مخيلتك أكتر عشان تكتب مقدمة تجذب الانتباه وتحفز مخيلة جمهورك عشان يكمل قراءة معاك، والنوع دا بيسخدم أكتر في المحتوى القصصي أو الروائي، لكنه ممكن يستخدم برضو في المقالات ومحتوى الـ Social Media.
مثال:
8- التجربة الشخصية
في النوع دا أنت بتحكي لجمهورك تجربة شخصية مريت بيها واستفدت منها إيه، لكن مهم تكون تجربتك مرتبطة بموضوع الـ POC، وكمان تكون مهمة للجمهور المستهدف، وهتقدملهم فايدة، أو تساعدهم على حل مشكلة بتقابلهم.
على سبيل المثال:
9- توظيف الحقائق
في المقدمة دي أنت بتبدأ كلامك بتأكيد أو نفي لحقيقة ما منتشرة ومعروفة عند الجمهور المستهدف.
لكن خد بالك في النوع دا ما ينفعش المقدمة تكون مجرد تأكيد، لكن لازم تضيف حاجة جديدة تشد جمهورك أكتر، وتخرج محتواك من Zone التكرار والكليشيهات.
مثال:
دي أشهر أنواع المقدمات، لكن هل الأنواع دي كلها مناسبة للسوشيال ميديا، وإيه الفرق بين مقدمة محتوى الـ Social Media والـ Blog Post؟
7 فروق جوهرية بين مقدمة المقال والـ Social Media
كل أنواع المقدمات السابقة نقدر نستخدمها في محتوى الـ Social Media والمقالات، لكن لازم نراعي شوية حاجات، زي:
1- الطول
زي ما قلنا في بداية المقال المقدمة ما تنفعش تزيد عن 10% من حجم المحتوى، ولأن محتوى المقالات عادةً بيكون أطول؛ فبالتالي مقدمة المقال هتكون أطول من مقدمة الـ Social Media Content.
2- الهيكلة
بتختلف هيكلة المقدمة في محتوى السوشيال ميديا عن مقدمة المقال، ودا لأن عامل الطول بيأثر جدًا، عشان كدا ممكن نكتفي في مقدمة السوشيال ميديا بالـ Hook اللي هنجذب بيه انتباه القارئ، سواءً كان الـ Hook دا اقتباس، أو إحصائية، أو سؤال، أو غيرهم.
لكن في محتوى المقالات لازم ندي نبذة عن مضمون المحتوى، أو تمهيد ليه بعد الـ Hook.
3- توظيف الـ Trends
أحيانًا ممكن نوظف الـ Trends المنتشرة لكتابة مقدمة تجذب الانتباه، فيكون الترند هو الـ Hook اللي بنستخدمه في المقدمة، ودا ممكن ينجح جدًا في محتوى السوشيال ميديا لو وظفناه صح، لكنه مش أنسب حاجة لمحتوى المقالات، ودا لأن المقال بيستهدف التأثير على المدى الطويل، وبالتالي الناس هتكون نست التريند، أو أصبح مستهلك وممل بالنسبالهم.
4- الـ SEO Metrics
مش شرط نستخدم الـ SEO Metrics في مقدمات السوشيال ميديا عشان تظهر للـ Audience، لكنها ضرورية جدًا في مقدمة المقال.
5- الهدف
هدف المقدمة في محتوى السوشيال ميديا هو لفت الانتباه، وإثارة فضول الـ Audience لاتخاذ الإجراء المطلوب، فبتعتمد أكتر على استخدام Hook يشد العميل.
لكن مقدمة المقال هدفها إن العميل يكمل قراءة المقال، وبالتالي بتكون أوضح، ومباشرة أكتر، عشان تديه فكرة عن محتوى المقالة، وتشجعه يقرأها.
6- اللغة والأسلوب
“خير الكلام ما قل ودل”!
دا أفضل مثل ممكن نوضح بيه أسلوب الـ Intro في محتوى السوشيال ميديا، فلازم تراعي طبيعة الـ Users السريعة، وتركز على استخدام الجمل القصيرة، اللي تجذب الانتباه، وتوصل المعنى بسرعة، من غير حشو أو تطويل.
ودا مش معناه إنك تزود الحشو في مقدمة المقال، لكن لو الإطناب كان مقبول نوعًا ما في المقالات؛ فهو غير مناسب تمامًا لمقدمة السوشيال ميديا.
7- استخدام العاطفة
محتوى السوشيال ميديا بيهدف إلى توثيق الروابط بينك وبين الجمهور أكتر من الـ Blog Posts، عشان كدا في مقدمة محتوى السوشيال ميديا بنراعي الجوانب النفسية، واستخدام المشاعر والعواطف لجذب انتباه الجمهور، لكن في مقدمة المقال بنركز أكتر على الفايدة والقيمة العلمية اللي هياخدها القارئ.
فلازم تراعي الاختلافات دي وأنت بتكتب، عشان تضمن وصول المحتوى لجمهورك وتفاعلهم معاه.
في النهاية، تأثير البدايات دايمًا هو الأعمق والأقوي، فعشان محتواك يسيب تأثير قوي في نفس عميلك؛ لازم الـ Intro تكون قوية بما يكفي.
وباتباع القواعد السابقة هتقدر تكتب مقدمة تجذب الانتباه، وتأثر في عميلك بسهولة.
