المقارنة بين الـ Content Plan والـ Content Strategy من المواضيع اللي دايمًا بشوفها بشكل متكرر كعنصر أساسي جوة كورسات كتير موجهة للمبتدئين في كتابة المحتوى،
وأنهي الأكبر بقا؟ الـ Plan ولا الـ Strategy؟ ومين بيعمل ايه؟ وانا دوري ككاتب محتوى أعمل ايه فيهم؟
وهي في الآخر خناقة ملهاش أي داعي من وجهة نظري.
أي Actions بنعملها في شغلنا محتاجة تتحط في إطار واضح قبل التنفيذ، أنا موجود فين؟ ورايح فين؟ وهروح ازاي؟
نسميه Plan أو نسميه Strategy أو زعبولا .. سميه زي ما تسميه، المهم ان الـ Actions اللي مكتوبة جوة الـ Plan دي لما تتعمل تجيب Results ترضى عنها انت والـ Business Owner.
هل في فرق فعلًا بين الـ Plan والـ Strategy؟
على الورق؟ آه في فرق.
بيقولوا ان الـ Strategy دايمًا بيتقال إنها “الصورة الكبيرة”، الرؤية العامة اللي بتقود كل القرارات،
والـ Plan هي الترجمة التنفيذية للرؤية دي: هننشر إيه؟ فين؟ إمتى؟ وبأي شكل؟
ولو إني شايف ان أي خطة سواء كانت كبيرة أو صغيرة اسمها Plan، و الخطة دي بيكون فيها Tactics و Strategies، فأنا في الـ Plan بتاعتي عامل Pricng Strategy مختلف شوية .. عامل بلا بلا ..
وبعدين؟
خناقة ملهاش لازمة، ككاتب محتوى مطلوب منك تعمل ولا خطة، ولا استراتيجية.
مطلوب منك تعمل File تشرح فيه انت هتعمل ايه وامتى وازاي؟
الفايل ده ممكن نسميه أي حاجة مش هتفرق. أمال ايه اللي هيفرق؟
اللي هيفرق هو المحتوى اللي هتكتبه في الـ Content Plan أو الـ Content Strategy
اللي يهمنا انك تبقى كاتب خطوات سهل تتنفذ ومناسبة للموارد المتاحة، والأهم من ده انك تبقى عارف هدفك منها ايه وعارف الـ KPIs اللي محتاج تتابعها أول بأول.
قبل ما تبدأ تكتب محتوى، على سبيل المثال لازم تكون عارف:
- هدفك إيه؟
- بتكلم مين؟
- بتتكلم عن إيه؟
- الرسالة الأساسية؟
- كل ده بيخدم إيه على مستوى البزنس؟
الخطوات دي وغيرها لو مش واضحة، يبقى حتى لو طلعت أحسن أفكار في الدنيا، فهي في الحقيقة ملهاش معنى. عارف لما تبقى مبتعرفش تسوق ومعاك عربية BMW؟
لكن لو واضحة، فحتى لو كان اسم الـ File “مقترحات لشهر أكتوبر”، انت في السليم.
الخلاصة
الخناقة حوالين الـ Plan و الـStrategy مش جديدة، ومش الوحيدة بالمناسبة.
نفس الجدل بيحصل حوالين الـ Goal و الـ Objective، الـ Copy و الـ Content وغيرهم ..
ككتاب محتوى، احنا مش مضطرين ندخل كل نقاش حوالين المصطلحات، ولا مطلوب مننا نحسم الجدل حوالين كل تعريف.
اللي مطلوب مننا، إننا نشتغل بفكر، ونبني شغلنا على هدف، نشتغل بناء على رؤية، نعمل الـ Tasks بتاعتنا بنظام، يبقى فيه Process لشغلنا، والربط بين كل خطوات شغلنا يبقى واضح في دماغنا.
لسة عاوز تعرف الفرق بين الـ Plan والـ Strategy؟
